السلام عليكم اهلين اعضاء منتدى حياة الروح بغيت اقولكم سالفه ممكن تسمعوووووووووووووووووووووووون >>>>>>>قصدي تقرووووووون
. . . أحد الشيبان في قرية من قرى نجد كان عمره في الثمانين ؟؟ صكه مرض شديد على آخر عمره وهو طبعاً في حياته ماراح مستشفى؟؟ . . وكانت مبينة عليه آثار المرض وكل مايقولون له عياله : يبه امش معنا نوديك للدختر (الدكتور) يقول : لا لا . . معصي إن شاء الله ربي بيعافيني .
بعد كم يوم اشتد عليه المرض وصار الشايب يهذري (خرفان)
ودوه عياله للمستشفى وعالجوا هالشايب . . يوم أنه صحى هالشايب المسيكين وتلفت شاف يمين ويسار ؟؟ كل شي حوله بياض سرير . . السستر "الممرضة" . . . وبراد هالمكيف يالله من فضلك . . حتى الجدران والأرضية تلامع من النظافة وهالريحة الزينة .
قال الشايب : الظاهر إني بالجنة الحين . . ولما شاف الممرضة قال : ياحورية ياحورية ؟! ((على باله الحور العين )) تعالي تعالي هنيا !!!!!!!!!!! لما جت له قال لها وين أبو فلان ((صحيبه متوفي منذ مبطي)) شوفيه قولي له أبوفلان يبي علومك وأخبارك وخليه يجي يتقهوا عندي . . . ((الرجال يوزع ابتسامات للممرضات . . استدار راسه يحسب أنه دخل الجنة))
راحت هالممرضة على نياتها تدور بالسجلات ومالقت هالاسم . . يمين يسار !! قالت له والله ياعمو مافيه هالاسم اللي بدك إياه . .
ضحك وقال اييييييييه ، والله إني خابر أبو فلان قليل خاتمه وصلاته مهيب بالحيل . . . !!
بعد فترة بسيطة جو عياله وضحكوا من هالموقف والشايب يحسب إن عياله ماتوا ودخلوا الجنة معه وهو مستانس . . بس عياله فهموه أنه في المستشفى يتعالج . . بعدها لا تسأل وش صار للشايب!!!
*النهايــة*
the end
ملاحظه/ لا يفهم من هذه القصة الاستهزاء بالجنة التي وعدها الله للمتقين والأبرار وتحياتي لكم...
الله يرزقنا الجنة.........
موضوع: شـــــــــــــــايب مهذري 
