ادري ان الموضوع ماله دخل بس
حبيت اوسع صدوركم>>>>>>>>>>>>>واثقه
المهم انا ماعندي موضوع انزله قلت خلين اسولف عليهم واقرق واخربط
ياخي وش تبون سواليفي وانا حرررره<<احلفي ياخف دمك
المهم السالفه ومافيها اننا ذاك اليوم رحت لبنت خالتي بالمدرسه <<طبعا بالمدرسه ثلاثة ارباع العايله بالمدرسه مسوين عصابه
قلت لها تقول امي نبي اخوك العود يطلعنا للبر قالت تمونييييييييييييييييييييييييييين والله ياهو يبي يطيعكم قلت حاولي وجربي ماراح تندمين<<دعاية صابون ذي
يوم راحت لبيتهم الحبيب وشحذت اخوها الفاضل شحذا وطرته طرا<<مفعول مطلق خخخخخ متاثره بالطراسه
قال خلاص بطلعكم يوم الخميس
على طول دقت وقالت لنا
انا بديت اناقز من الوناسه<<تخيلو شكلي
وانطط واشقق ثيابي <<عن الخرط بس
بس انه باقي بنات خالتي الثانيه واكلم عليهم قالو لا اننا بنطلع مع ابوي <<ياشين حركات الرجال احيانا ماله داعي
يالاحبااااااااااااااااااااااااااااااااااااط مب طالعين يعني قالت لا انا انقهررررررررررررت يوم صار باليل وتكلم
بنت خالتي قالت ان ابوي انشغل وبنطلع معكن حنا بس يالبنات واااااااااااااااااااو احلفي يقلع ابو الوناسه والصرررررررررررررررررررقعه بعدين دقت بنت خالتي قالت اخوي يقول مامعي سيارة تكفي لكل خلق الله الهايلكس ماتكفي عااااااااااااااااااااا مشكله
ثانيه جت النشميه امي وفكت الازمه قالت جيبنا موقف عند الباب لاشغل ولا مشغله خلونا ناخذه ايووووووووووووووووه خلاص
ونمت بسلام وامان<<هايدي على غفله عقب ماتفقنا وش نجيب وش مانجيب حنا وخالتي
وتقومن امي الفجر....قومي يابنت الحلال صلي وخلينا نتولم قمت انا على طول دام الدعوه به كشته
وحنا نصلي دق الجرس ولد خالتي قال بسرررعه اطلعوا طبعا حنا كانوا بنات خالتي هذوليك نايمات عندنا وتحرجمنا بالسياره
كل واحد فوق الثاني <<صرنا عصير طبقات
وتحركنا متوكلين على ربنا للبر<<يازين البــــــــــــــــــــــــــــــــــــــــــر
وحنا بالسياره طبعا انواع الضيق وبنتخالتي جالسه بالوسط وانا وبنات خلاتي ورا بالمرتبه الثالثه وهي صايرة مراقبه علينا
حسرتبا ياااااااااااااااااااااااااااااااااااويل وحده تفتح نقابه والا تكلم والله لاوريه الشغل<<على بالها تغار على اخوها اقول اها بس
وانا جايبة معي هكاالجيك الازرق اللي تحبه قلوبكم طبعا عشــان نطق ونستهبل والجيك ذا وخرو عنه بالطق لاوصيكم عليه يابنات تراه خطير
ومخليته بحجري من حبي له <<مشتغله الاخت طقاقه
المهم وأمي الغاليه تقولنا دعاء ركوب السيارة واذكار الصباح والمساء وحنا نقول وراه (امي :سبحان الذي )(الجماعه:سبحان الذي)(امي:سخر لنا هذا)
(الجماعه:سخر لنا هذا)وعلى هالحاله <<تذكرن اشكالنا باللي حاجين والا معتمرين ..لبيك اللهم لبيك..
يوم وصلنا للمكان وننتشر ماشالله تقل جراد <<عز الله فطسنا
وحنا يالبنات نبي نطير للنفود قالو الحريم اصبروا كولو شي قبل ماتروحون
واثرهم جايبين ذاك الفول اللي يصك الراس وانواع واشكال النواشف <<الحمد لله والشكر
ونبلع بلع الين قالت العنز ياخاله<<وش تبي ذي الظاهر انه كذا
ونتهاوش بالفطور ونتماعط الصحون تقل ماعمرنا شفنا الاكل<<اصلا ماتزين الطلعة الا بالهوش
يوم طقينا من البلع ونطير لم النفود ونقعد براس النفود ونطق وننشد ولا فيه انشوده ماقلناه من اناشيد المجد ومن الاشرطه ماخلينا شي
ونستهبل ونلعب المهم انه ضحك ووناااااااااااااااااسه وجاء خالي<<ايه نسيت اقولكم ان خالي طلعو معنا) لمنا وحنا فوق قعدنا نطق له وهو يرقص تخيلو شكله يقطع الكبد
من الضحك لانه مطوع ولحيه وحركات ويرقص شلون تجي ذي قال لازم تغنون لي (ياحمد لو تشوف لابسات البراقع...)<<قدييييييمه
والا ترى منب راقص وغنينا له بس مانعرف الا هالبيتين منه وقلناها وبتلنا نرددها خخخخخخخ قالت بنت خالتي اكبر وحد معنا مايصلح يصير كل جلستنا ضحك ولعب خلونا
نصلي الضحى قلنا والله فكره وصلينا كلنا الحمدلله <<يازين اذا كان معك احد يعينك على الخير
وحنا جالسين بدو بزارين يستهبلون عندنا <<تعرفون حركات المراهقه يحووول
ويفحطون بالسياره حنا ماعطيناهم وجه وكل شوي يغرسون بعدين حنا نموت من الضحك عليهم وينزلون يدفونه كل شوي
تخيلو واحد منهم لابس سروال وفنيله وعمامه شكله نكته مرررره<<هذا وجهه وجه مغازل تكفون
المهم انهم ملو وراحو بدا ولد خالي وولد خالتي راكب معه يطاعسون قدامنا عشان ننقهر
المهم قالو بنات خالتي وبنات خالي نبي نركب مالنا دخل باحدجاء ولد خالي قال اللي يبي يركب يركب انا طبعا اول وحده نطيت يوم ركبت شفت كل وحده من البنات معاها اخوها الا انا >>>>طيب شسوي ما عندي اخو يعني اخليهم يروحون وانا اتفرج
بنت خالتي ما ركبت لان اخوها يهاوش المهم
راحنا نطاعس بس مشكلة ولد خالي انه خكري مايعرف يطاعس صار تمشي ماصار مطاعس جلسنا تقريبا نص ساعه ورجعنا
اختي وبنت خالتي جالسين فوق النفود جاء ولد خالي ورقا بالسياره لمهم على باله بيصدمهم هم واااااااااااااااااااااااااااااااا كل وحده حطت رجله
ماتشوفون الا غبارهم يمشون الفين وهو مستانس هو ووجهه فاطس من الضحك على اشكالهم <<يستخف دمه وهم بغوا يروحون ملح (يعني وطي)
ورجعنا لجلستنا مره ثانيه بس انه هاوشونا الحريم قالو انتم علم على رأسه نار انزلو شوي عن النفود
لانه زادت حركات المراهقين والسيارات حولنا كثرت
حنا رضخنا للأمر الواقع<<حلوه رضخنا مدري منين جبته
ونزلنا بمكان منعزل محد يشوفنا ونقعد انا وبنت خالتي نستهبل اقالنا نسوي فيديو كليب و بنات خالاتي يتفرجون <<طبعا لازم جمهور
ومتسدحين من الضحك وحنا انا واياه نستهبل مع بعض يوم رفعنا روسنا واثر عيال خالتي يتفرجووووووون انواااااااااااااااااااااااااااع الفشيله بس انهم مب كبارين مرره بس ولو مررررره تفشلنا
بعد ولد خالتي ذا راعي قز ومدري وشو <<بس انه مصرررررررررقععععععععع
انا اسوي نفسي ماتفشلت بنت خالتي على طول هجت وانا على بالي وهم ميتين من الضحك على اشكالنا <<صرنا نكته لخلق الله
كلن يضحك علينا
نادونا الحريم وكان الوقت خلاص يبي يأذن المغرب واثرهم يابعد عمري مسوين لنا هاك الكبسه اللي تاكلون اصابعكم وراه <<يمي يمي
حنا كنا فاطسين من الجوع ونهبس (يعني نبلع)هبس لما قلنا ربي الله
قالو الرجال يالله تقريبا نص المغرب بنت خالتي الي ازعجتنا عند اخوها ركبت مع خالي <<قااااااااطه صح
بس هم اللي عزموها قالو تعالي معنا يبون توسع صدورهم
بس كان ودها تروح معانا مع اخوها عشان تراقبنا لانسون شي والا نفتن اخوها <<اقول وخري بس من زينه عاد
وكل واحد راح لبيته بس كانت ذيك الكشته خطيييييييييره ماجت مثله ابد
وتوته توته خللللللللللللللللللللللصت الحدوته وانشاء الله سالفتي اعجبتكم مع اني كثرت القرق اللي ماله داعي( ولو كان الموضوع منزل بالشتاء كان صدق تشتهووووووووووون البر بس الجود من الموجود
وسلاااااااااااااااااااااااااااااااااااااااام
موضوع: كشتتنــــــــــــــــــــــــــــا 
